I bin's, der Gustl aus Minga. Ihr Kunden seid's doch narrisch.

Griaß God, 

i deaf mi do kuaz voastäin. I bin da Gustl. I kimm aus am scheenen Minga und i arbade bei Zara. I mog do doch moi wos los wern. 

Liabe Weiberleid. Kennts ihr lesn? Vastäd ihr des gschriebene Woat? I mei', 's is doch ned schwar zua vastehn, wos 's bedeitet wenn do städ: "Maximoi grod 6 Teile!" - 's bedeitet im Klartext koa 11 und aa koa 21. 's bedeitet 6 oda wenga! Aba guad, oscheinend is de Toleranzgrenze bei einkaufendn Weiberleid eh a weng herob gschraubt. Do wern wüste Beschimpfunga und Drohunga an de Koieginna und Koiegn ausgschbrocha, wenn ma Eich ned rein lossd mid 15 Teiln plus 2 Boh Schuan und 3 Daschnn, mua jo ois passn. 

Und na, aa des "kuaz auf de Seitn hängn" is aa ned möglich. Easdn weil mia des bei jedem machn müssdn und dann waarad de Oprobe voia Klamotdn, de koa Mensch mehr bewältign konn und zwoatens dadn mia Ärga griagd, fois a Voagesetzta kimmd und des sieht, dass mia de "REGL", de ZARA aufgestäit hod ned einhoidn. 

Aba des waarad ois hoib so wuid, wenn Ihr Eich und Eure Sprüche sparn würdet. Beischbui gefällig? Bitte schee: 

"Wia ned mehr 6 Teile? Oiso dann braae i aa gar nix do kaffn." 

"Grod 6 Teile? Aba bei H&M deaf i mehr mid reinnehma." (Wos übrigens ned stimmt!) 

"Ach komm' scho, grod Ausnahmsweise. I hob koa Lust meine 23 Teile wieda nei suchn zua miassn." 

"So a Unvaschämtheit, i zoi dei Gehoid, vagiss des ned Bürschchn." 

"So, i woass i hob zua vui Teile aba i mua ois in Kombination oprobiaen." 

"Na, i mog ned den Managa sprichn, da werd ma jo aa grod den gleichn Schoass eazähln wia du." usw. usf. etc. pp. 

Übrigens is 's aa oscheinend völlig noamal fremde Leid mid "DU" ozuredn. Oiso, i bin oiwei no so eazogn woadn, dass ma si zuaerst mid "SIE" ospricht, bis oana am andern des "DU" obietet. Aba offenbar is des in da "Modewäid" anders. Do is jeda Dandla gleich da beste Freind oda Freindin. 

Des Niveau is aa ned grod houch. Aba ganz ehrlich liabe Weiberleid, wa mi mid: "Hey, i bin Kunde und du musst doa wos i soge, weil i sonst dafia soagn werd, dass du fliagst..." kimmd, da deaf si east moi mei schoiends Gelächta und dann aba aa de passend Antwoad ohearn. Ned vagessn, wia hoasst 's so schee: "Wia 's in den Woid hiein schoit, so schoit 's heraus!" - Seid' ma ned Bös', aba denkt moi darüba in Ruah noch, wia ihr Eich gegenüba den Mitarbadern vahoidet, bevoa ihr irgendwo postet, wia "aggro" und "inkompetent" de Dandla und Dandlainna bei Zara san! 

Habe die Ehre und auf Boid - Eia Gustl.

Foto Wolfgang Dierscherl / pixelio.de

Anmerkung: Falls jemand tatsächlich nicht des bayrischen Dialektes mächtig sein sollte wäre hier die Übersetzung des Textes :)

Grüß Gott,

ich darf mich hier kurz vorstellen. Ich bin der Gustl. Ich komme aus dem schönen München und ich arbeite bei Zara. Ich möchte da doch mal was los werden.

Liebe Frauen. Könnt ihr lesen? Versteht ihr das geschriebene Wort? Ich mein', es ist doch nicht schwer zu verstehen, was es bedeutet wenn da steht: "Maximal nur 6 Teile!" - Es bedeutet im Klartext keine 11 und auch keine 21. Es bedeutet 6 oder weniger! Aber gut, anscheinend ist die Toleranzgrenze bei einkaufenden Frauen eh ein wenig herab geschraubt. Da werden wüste Beschimpfungen und Drohungen an die Kolleginnen und Kollegen ausgesprochen, wenn man Euch nicht rein lässt mit 15 Teilen plus 2 Paar Schuhen und 3 Taschen, muss ja alles passen.

Und nein, auch das "kurz auf die Seite hängen" ist auch nicht möglich. Ersten weil wir das bei jedem machen müssten und dann wäre die Anprobe voller Klamotten, die kein Mensch mehr bewältigen kann und zweitens würden wir Ärger bekommen, falls ein Vorgesetzter kommt und das sieht, dass wir die "REGEL", die ZARA aufgestellt hat nicht einhalten.

Aber das wäre alles halb so wild, wenn Ihr Euch und Eure Sprüche sparen würdet. Beispiele gefällig? Bitte schön:

"Wie nicht mehr 6 Teile? Also dann brauche ich auch gar nichts hier kaufen."

"Nur 6 Teile? Aber bei H&M darf ich mehr mit rein nehmen." (Was übrigens nicht stimmt!)

"Ach komm' schon, nur Ausnahmsweise. Ich hab keine Lust meine 23 Teile wieder neu suchen zu müssen."

"So eine Unverschämtheit, ich zahle dein Gehalt, vergiss das nicht Bürschchen."

"So, ich weiß ich hab zu viele Teile aber ich muss alles in Kombination anprobieren."

"Nein, ich möchte nicht den Manager sprechen, der wird mir ja auch nur den gleichen Scheiß erzählen wie du." usw. usf. etc. pp.

Übrigens ist es auch anscheinend völlig normal fremde Leute mit "DU" anzureden. Also, ich bin immer noch so erzogen worden, dass man sich zuerst mit "SIE" anspricht, bis einer dem anderen das "DU" anbietet. Aber offenbar ist das in der "Modewelt" anders. Da ist jeder Verkäufer gleich der beste Freund oder Freundin.

Das Niveau ist auch nicht gerade hoch. Aber ganz ehrlich liebe Frauen, wer mich mit: "Hey, ich bin Kunde und du musst tun was ich sage, weil ich sonst dafür sorgen werde, dass du fliegst..." kommt, der darf sich erst mal mein schallendes Gelächter und dann aber auch die passende Antwort anhören. Nicht vergessen, wie heißt es so schön: "Wie es in den Wald hinein schallt, so schallt es heraus!" - Seid' mir nicht Böse, aber denkt mal darüber in Ruhe nach, wie ihr Euch gegenüber den Mitarbeitern verhaltet, bevor ihr irgendwo postet, wie "aggro" und "inkompetent" die Verkäufer und Verkäuferinnen bei Zara sind!

Habe die Ehre und auf Bald - Euer Gustl.